Landesmeeschterschaften am Sprint Sport
Haut goufen Landesmeeschterschaften am Sprint Sport gespillt am Keelenzenter zu Péiteng
Op engem ganz héigen Niveau sin do d'Konkurrenten an KO-Dueller géinteneen ugetrueden.
Bei den Dammen U24 sollt sech d'Louis Corinne den Landesmeeschtertitel secheren. Hat setzt sech géint d'Kremer Mandy mat 243 op 229 duerch.
Bei den Hären U24 war et ganz spannend. Ganz iwwerraschend gouf dobäi de Favorit Wolter Luca an der Hallewfinall eliminéiert.
Um Enn bleiwt den Titel awer an der Famill well säin Brudder den Wolter André d'Finall mat 308 Holz gewannen sollt, dest virum Blasen Alain mat 300 an dem Welter Laurent mat 266 Holz.
Bei den Dammen sollt d' Parracho Mandy hierer Favoriteroll gerecht ginn. Ganz souverän sechert si sech de Landesmeeschtertitel mat 299 Holz. Selwer geet un d'Huberty Christiane mat 266 Holz an dem Greischer Sonia mat 259 Holz.
Bei den Hären gouf et och eng Surprise. Schon an der Qualifikatiounsphase ass mam Schnorbus Jemp e Favorit eliminéiert ginn. Mee och de Seriengewenner Mores Gilles sollt dest Joer säin Meeschter fannen. Um Enn sollt de Ribeiro Nelson Pinto sech den Landesmeeschtertitel secheren. An enger spannender Finall setzt hien sech mat 312 Holz duerch virum Fuchs Chris mat 307 Holz. D'Bronzemedaill war dann nach fir den Mores Gilles deen sech am direkten Duell em Bronze géint den Lepage Pierre duerchgesat huet.
An de Moiesstonnen haten di jonk Athleten hier Landesmeeschter gesicht.
Bei den U10 weiblech wennt d'Collin Mia mat 413 op 376 géint Collin Tia.
Bei den U10 gëtt den Huss Jason Landesmeeschter mat 367 Holz.
Bei den U15 Meedercher setzt sech d'Collin Shana knapp mat 433 op 425 géint Sebastiani Kyra duerch.
Bei den U15 Jongen ass den Titel fir den Ourth Sam, deen sech mat 482 op 441 géint den Karels Matteo duerchsetzt.
Bei de Special Olympics geet den Titel un den Ourth Joé
Bei den U18 Dammen setzt sech d'Poorters Kim mat 563 op 513 géint Bourscheid Maggie duerch.
Bei den U18 Hären war d'Finall e regelrechten Krimi deen um Enn den Kasel Tom fir sech entscheeden konnt. Mat 296 Holz wennt en knapp virun Welter Jerry mat 293 Holz an dem.Jungers Luca mat 285 Holz.
